Qualcomm ka nisur përgatitjet për valën e parë të telefonëve 5G këtë vit dhe jo në 2019-ën, u shpreh një drejtues i lartë i kompanisë për Economic Times.

Edhe pse shumica e kompanive dhe operatorëve do të nisin linçimin e produkteve të para me 5G vitin e ardhshëm, disa lojtarë agresivë rajonalë janë gati të përmbushin kërkesa e standardit të ri celular i cili ofron shpejtësi deri në katër herë më të larta sesa 4G/LTE.

Zëvendës presidenti i Qualcomm Durga Prasad Malladi tha se shumica e pajisjeve me 5G pritet të debutojnë vitin e ardhshëm, specifikisht në fillim të 2019-ës.

Megjithatë sipas tij disa operatorë kanë shprehur vullnet për komercializimin e 5G-së që nga ky vit.

Disa operatorë janë në proces të finalizimit të teknologjive për pajisjet e para 5G. Në varësi të bandave që operojnë, operatorët mund të ofrojnë shpejtësi nga 1Gbps deri në 4.5Gbps.

Përdoruesit mund të presin shpejtësi deri në 1.4Gbps në zonat urbane me densitet të lartë popullsie.

Në Janar Qualcomm u shpreh se pret që telefonët e parë 5G të debutojnë në CES 2019 por presioni i lartë nga kompanitë dhe operatorët ka bërë që ky afat të tërhiqet me disa muaj.